--Prestur. --Foreldrar: Síra Stefán Þorsteinsson að Stóra Núpi og f.k. hans Guðný Þorláksdóttir að Móum á Kjalarnesi, Loptssonar. F. á Stóru Völlum. Lærði fyrst hjá síra Þorvaldi skáldi Böðvarssyni 2 vetur, síðan hjá síra Steingrími síðar byskupi Jónssyni og varð stúdent frá honum úr heimaskóla 1814, með meðalvitnisburði. Vígðist 18. maí 1817 aðstoðarprestur síra Bjarnhéðins Guðmundssonar í Vestmannaeyjum, varð 1821 aðstoðarprestur síra Einars Þorleifssonar í Guttormshaga, varð embættislaus 1823, er síra Einar lét af prestskap, fekk 1. mars 1824 Reynisþing og bjó á Heiði, Sólheimaþing 1838, í skiptum við síra Þórð Brynjólfsson, hélt til æviloka og bjó að Felli. --Kona (1817): Kristín (f. 1800, d. 18. nóv. 1890) Ólafsdóttir aðstoðarprests í Sólheimaþingum, Árnasonar. --Börn þeirra, sem upp komust: Ólafur að Fjalli á Skeiðum, Guðný átti Einar umboðsmann Ingimundarson í Kaldaðarnesi, Sigríður átti fyrr Jón Sigurðsson frá Arnarbæli í Grímsnesi, síðar Bjarna Ögmundsson frá Oddgeirshólum, Valgerður óg. (d. 23 ára), Gróa átti Bjarna Guðmundsson í Efsta Dal, Elín átti Ólaf Þorsteinsson í Tungu í Grafningi, fóru til Vesturheims. Kristín ekkja síra Stefáns átti síðar Ófeig Vigfússon að Fjalli (Lbs. 48, fol.; Vitæ ord.; SGrBf.).

--Prestur. --Foreldrar: Halldór stúdent Sigfússon á Hallfreðarstöðum og kona hans Þórunn Pálsdóttir sýslumanns sst., Guðmundssonar. Tekinn í Reykjavíkurskóla 1864, stúdent 1872, með 2. einkunn (55 st.), próf úr prestaskóla 1874, með 2. einkunn betri (37 st.). Fekk Dvergastein 24. sept. 1874, vígðist 9. maí 1875, fekk Hofteig 14. maí 1880, fekk lausn frá prestsskap þar frá 1. sept. 1890, án eftirlauna. --Bjó síðan á Hallgeirsstöðum. --Fekk gott orð, gleðimaður og vaskur og rammur að burðum. --Kona: Jónína Sesselja Björnsdóttir á Stóra Bakka í Tungu, Pálssonar. --Börn þeirra, sem á legg komust: Þórunn, Stefanía. --Ekkja hans átti síðar Magnús 2 Sigbjarnarson á Ketilsstöðum í Jökulsárhlíð (SGrBf.; BjM. Guðfr.).

--Prestur. --Foreldrar: Síra Pétur Jónsson á Valþjófsstöðum og f.k. hans Anna Björnsdóttir prests í Kirkjubæ í Tungu, Vigfússonar. --Tekinn í Reykjavíkurskóla 1863, stúdent 1871, með 2. einkunn (51 st.), próf úr prestaskóla 1873, með 2. einkunn betri (35 st.). Fekk Desjarmýri 28. sept. 1873, vígðist 31. s.m., Hjaltastaði 10. maí 1884 og hélt til æviloka. --Kona (26. ág. 1871): Ragnhildur Björg Metúsalemsdóttir í Möðrudal, Jónssonar. --Börn þeirra, sem upp komust: Þórdís átti Davíð trésmið Sigurðsson á Akureyri, Pétur í Bót, Björg átti Jón Arngrímsson Johnson í Minnesota, Jón (kunnastur með nafninu Filippseyjakappi), Anna átti síra Þorvarð Brynjólfsson á Stað í Súgandafirði, Þórunn fór til Vesturheims, Halldór forstöðumaður brunabótafélags Íslands, Björn alþm. Sunnmýl., síðast verzlm. í Rv., Guðmundur kennari í Vesturheimi, Metúsalem búnaðarmálastjóri og ráðunautur, Þorsteinn hreppstjóri að Þverhamri, Jónína Aðalbjörg átti Guðmund múrara Þorbjarnarson í Seyðisfirði (BjM. Guðöfr.; SGrBf.).

Múrari. Launsonur Magnúsar skipherra Waages í Stóru Vogum (en kenndur Agli Vigfússyni) með Guðrúnu Jónsdóttur í Höll (Guðmundssonar), og átti hún síðar Hallgrím Jónsson að Smiðjuhóli á Mýrum. Settist að í Rv. 1867 og stundaði sjómennsku og var formaður. En frá 1878 gaf hann sig einkum að steinsmíðum og múrverki. Iðjumaður hinn mesti, traustur í störfum og mikilvirkur, enda kraftamaður og atgervismaður. Var mjög bókhneigður, er vinna kallaði ekki að. Dvaldist hin síðustu ár með sonum sínum. --Kona (20. sept. 1879): Sesselja ljósmóðir Sigvaldadóttir, Einarsdóttir (í Kalmanstungu, Þórólfssonar). --Synir þeirra: Sigvaldi Kaldalóns héraðslæknir og tónskáld, Guðmundur Aðalsteinn steinsmiður fór til Vesturheims, Snæbjörn skipstjóri í Rv., Eggert söngvari (Óðinn XXII; Br7.).