. Húsfreyja í Ólafsdal. Foreldrar: Zakarías (d. 31. mars 1891, 90 ára) Jóhannsson á Heydalsá í Strandasýslu (prests í Garpsdal, Bergsveinssonar) og seinni kona hans Ragnheiður ljósmóðir (d. 11. ág. 1892, 75 ára) Einarsdóttir dbrm. á Kollafjarðarnesi, Jónssonar. Ólst upp frá bernsku hjá Ásgeiri alþm. Einarssyni, móðurbróður sínum, og konu hans (sem hún var heitin eftir), fyrst á Kollafjarðarnesi og síðan á Þingeyrum. Mikilhæf kona, frábærlega stjórnsöm, og öll verk léku henni í höndum. Heimili hennar, skólaheimilið í Ólafsdal, var um langt skeið eitt hið fjölmennasta í sveit hér á landi. Glæsileg kona í sjón, þrekmikil í lund, ljúf í viðmóti og gestrisin. Maður hennar, sem einnig var stjórnsamur, svo að af bar, lét svo ummælt: „Guðlaug gæti búið án mín, en ég ekki án hennar“. Bjó hún og lengi með rausn í Ólafsdal eftir hans dag.--Maður (17. dec. 1868): Torfi skólastjóri Bjarnason, sjá bls. 23–24 í þessu bindi; er þar getið barna þeirra, en vantalið er þar yngsta barn þeirra, Markús kaupfélagsstjóri og fyrr bústjóri í Ólafsdal (Óðinn XXXI; Embla HI).