--Bóndi, stúdent. --Foreldrar: Síra Árni Tómasson að Bægisá og kona hans Helga Jónsdóttir. F. að Bægisá (skírður 20. maí 1776). Tekinn í Hólaskóla 1791 og var þar 3 vetur (1791–3 og 1794–5). var síðan í heimaskóla hjá síra Jóni Konráðssyni í Húsey, þá aðstoðarpresti í Glaumbæjarprestakalli, samtals 4 ár, og varð stúdent úr heimaskóla frá Páli rektor Hjálmarssyni 25. maí 1799. Var fyrst með móður sinni að Stóru Giljá, en hóf búskap að Brekku í Þingi 1801, fluttist þaðan að Stóru Giljá 1804, síðan að Akri 1808, en síðast að eignarjörðu sinni, Stóra Ósi í Miðfirði 1815, og var þar til dauðadags. Hann var talinn mjög tornæmur, en búmaður góður. --Kona hans (2. okt. 1801): Sigurlaug (d. 3. júní 1835) Bjarnadóttir, bróðurdóttir síra Björns í Bólstaðarhlíð og stjúpdóttir Ólafs stúdents Ingimundarsonar að Torfalæk. --Börn þeirra: Helga s.k. Bjarna stúdents Friðrikssonar Thorarensens að Stóra Ósi, en átti síðar Gunnlaug Henriksson, Jón í Syðsta Hvammi á Vatnsnesi, Guðrún kona Jóns Jónssonar að Giljá, bræðrungs síns, Stefán á Spena í Miðfirði, Þorbjörg kona Jóns Jónssonar síðast prests á Rafnseyri, Benediktssonar (þau skildu, bl.), Þóra átti laundóttur (fór vestur á land), Helga yngri kona Sveins Markússonar á Dalgeirsstöðum, Ólafur í Grafarkoti (HÞ.).

Dómsmálaritari. --Foreldrar: Ólafur stiftamtmaður Stefánsson og kona hans Sigríður Magnúsdóttir amtmanns, Gíslasonar. F. á Bessastöðum. Nam skólalærdóm hjá mági sínum, Hannesi byskupi Finnssyni, og mun hafa orðið stúdent frá honum (líkl. 1786). --Fór til Kh. 1787 og var þar veturinn 1787–8, en tók ekki aðgöngupróf í háskólanum, enda þjáðist hann þá bæði af brjóstveiki og þunglyndi. Kom út 1788. Varð varamaður Odds Stefánssonar í ritarastöðu í yfirdómi á alþingi 14. maí 1790, en frá stofnun landsyfirdóms 11. júlí 1800 var hann dómsmálaritari þar og til dauðadags. Varð "7. nóv. 1832 kanzellíráð að nafnbót. Sá um prentun á „Acta yfirréttarins“ (pr. í Leirárgörðum 1797–1804). Hann þókti ekki gáfumaður og var undarlegur í tali, enda eru skrítlur til um hann. --Vart má kalla, að hann hafi verið hagmæltur, þótt til sé 1 erindi eftir hann (í Lbs. 269, 4to.). Hann bjó á Hvítárvöllum til 1801, síðan að Lágafelli (líkl, til 1814), en síðast að Esjubergi til dauðadags. --Kona 1 (3. sept. 1790). Margrét (f. 13. jan. 1773, d. 22. okt. 1800). --Börn þeirra: Ólafur stúdent, Jón á Korpúlfsstöðum, Jakob. --Kona 2 (1803): Sigríður (f. 17. janúar 1787, d. 27. júlí 1869) Oddsdóttir notaríusar, Stefánssonar. --Sonur þeirra: Oddgeir forstöðumaður hinnar íslenzku stjórndeildar í Kh. (HÞ.).