Guðmundur Vigfússon f. 1810
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Guðmundur Vigfússon f. 1810 í Íslenzkum æviskrám
--Prestur. --Foreldrar: Vigfús á Signýjarstöðum Guðmundsson (ökonómuss, Vigfússonar) og kona hans Guðrún Jónsdóttir prests og skálds Hjaltalíns. F. á Gullberastöðum. Lærði fyrst hjá föðurbróður sínum, síra Eggert í Reykholti, og síðan hjá tengdasyni hans, síra Guðmundi Bjarnasyni, síðast að Hólmum, tekinn í Bessastaðaskóla 1828, stúdent 1834, með heldur góðum vitnisburði. Var næstu vetur barnakennari í Nesi við Seltjörn, skrifari hjá stiftamtmanni 1 ár (1835–6), fekk Stóra Núp 16. mars 1837, vígðist 2. júlí s.á., fekk Borg á Mýrum 1846, prófastur í Mýrasýslu 1855–9, fekk Mel 30. mars 1859, hélt til dauðadags, andaðist úr taugaveiki og taksótt. Var prófastur í Strandasýslu 1867–70. Hann var hirðumaður mikill og atorkusamur, hýsti með afburðum vel bæ á Mel, mannkostamaður mikill og höfðinglyndur, enda vel stæður. --Kona (12. júní 1836): Guðrún yngri (f. 29. mars 1810, d. 23. maí 1900) Finnbogadóttir verzlunarmanns í Reykjavík, Björnssonar. Hún hafði áður (18. nóv. 1821) átt barn með systkinabarni sínu (Teiti síðar gullsmið Magnússyni Bergmann), og varð því maður hennar að fá konungsleyfi til að kvongast henni, vegna prestsréttinda sinna. --Börn þeirra, er upp komust: Solveig átti systkinabarn sitt Ingimund Jakobsson (prests Finnbogasonar) í Svaðbæli, Guðrún f.k. Böðvars Böðvarssonar (prests á Mel, Þorvaldssonar) síðast í Hafnarfirði, Finnbogi að Tindum í Geiradal (fór til Vesturheims), Vigfús söðlasmiður fór til Vesturheims, Arndís átti Theodór veræzlunarstjóra Ólafsson á Borðeyri, Rannveig Sigríður Dórothea átti launson með Böðvari Böðvarssyni, er síðar varð mágur hennar, giftist síðan Jóni Jónssyni á Auðunarstöðum, fóru til Vesturheims, Þrúður Elísabet s.k. systkinabarns síns Péturs að Stóru Borg Kristóferssonar, Finnbogasonar (Bessastsk.; Vitæ ord. 1837; Útfm., Rv. 1872; HÞ.; SGrBf.).