Smáskammtalæknir. --Foreldrar: Jón að Hálsi neðra í Kjós Sæmundsson (Guðmundssonar) og kona hans Sesselja Sigurðardóttir hreppstjóra, Ólafssonar (af Kjalarnesi). Bjó lengst í Litla Lambhaga í Skilmannahreppi, 27 ár, gerði þar miklar jarðabætur, enda iðjumaður mikill og kappsamur. Þókti mjög heppinn læknir. Fluttist á efri árum að Lambhúsum á Akranesi. --Andaðist í Rv. --Kona (1872): Margrét Þórðardóttir frá Þerney. --Börn þeirra, er upp komust: Jón á Akranesi, Sigurlín sst., Þóra í Litla Lambhaga (Sunnanfari XIII; Óðinn XXII; o. fl.) Sigurður Jónsson (13. júní 1848–4. febr. 1921). --Bóndi. --Foreldrar: Síra Jón Hallsson í Glaumbæ og kona hans Jóhanna Hallsdóttir. Var vestan hafs 1874–83, en fyrir og eftir að mestu með foreldrum sínum. --Bjó á Reynistað frá 1887 og síðan. Búhöldur mikill og framfaramaður, enda varð hann með efnuðustu mönnum um Skagafjörð og þó hjálpsamur þeim, er nauðir bar að höndum, en hafði sig lítt í frammi út á við. --Kona (1887): Sigríður Jónsdóttir í Djúpadal, Jónssonar, og hafði hún um hríð verið kennari í kvennaskólanum í Ytri Ey. --Sonur þeirra: Jón alþm. á Reynistað (Óðinn XVIII).

--Prestur. --Foreldrar: Síra Sigurður Br. Sívertsen að Útskálum og kona hans Helga Helgadóttir konrektors að Móeiðarhvoli, Sigurðssonar. Tekinn í Reykjavíkurskóla 1859, stúdent 1865, með 2. eink. (74 st.), úr prestaskóla 1867, með 2. eink. betri (41 st.). Vígðist 10. maí 1868 aðstoðarprestur föður síns. --Bjó í Kirkjuvogi. --Kona (22. jan. 1868): Steinunn (d. 1922) Vilhjálmsdóttir í Kirkjuvogi, Hákonarsonar. Hún átti síðar Helga, bróður f.m. síns; barnl. með báðum (Útfm., Rv. 1869; Vitæ ord. 1868; BjM. Guðfr.; SGrBf.).