Jón Jónsson f. 1722
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1722 í Íslenzkum æviskrám
Skáld. Bjó að Kollslæk í Hálsasveit. Nokkuð hefir varðveitzt eftir hann í Lbs., en fátt eitt er prentað. Enn á lífi 1774. --Kona: Danhildur Jónsdóttir. --Börn þeirra: Jón, Ingibjörg.
--Prestur. --Foreldrar: Síra Jón Pálsson á Stað í Steingrímsfirði og kona hans Solveig Jónsdóttir prests á Breiðabólstað á Skógarströnd, Jónssonar. Tekinn í Skálholtsskóla 1740 (sat þar ekki veturinn 1743–4), stúdent 21. júlí 1746, með góðum vitnisburði, vígðist aðstoðarprestur föður síns 1747 og bjó að Ósi, síðar Kirkjubóli, fekk Tröllatungu 26. apr. 1758 og tók við staðnum 6. júní s. á., en Stað í Steingrímsfirði 18. júlí 1767, við uppgjöf föður síns, og sat þar til dauðadags. Varð aðstoðarmaður föður síns í prófastsdæmi 1. sept. 1758, en skipaður til fulls prófastur í Strandasýslu 23. nóv. 1761. Hann var maður höfðinglegur og fríður sýnum, skörungur mikill og búmaður, en allmjög drykkfelldur. --Kona 1 (kaupmáli 30. júlí 1751): Kristín (d. 1772) Guðnadóttir prests í Nesþingum, Jónssonar. --Börn þeirra: Snæbjörn Stadfeldt, Dr. jur., bæjarfógeti í Randers, síðast birkidómari í Estrupbirki, síra Jón í Stapatúni, Sigríður átti síra Ásgrím Vigfússon Hellnaprest, Solveig átti síra Björn Benediktsson í Hítardal. --Kona 2 (30. júlí 1773): Kristín (d. á Brjánslæk 13. jan. 1798, 48 ára) Bergsveinsdóttir prests á Stað í Grunnavík, Hafliðasonar, þau bl. (HÞ.; SGrBf.).
--Prestur. --Foreldrar: Jón Magnússon að Stóra Núpi og 1. kona hans Sigríður Guðmundsdóttir á Auðólfsstöðum, Steingrímssonar. Tekinn í Skálholtsskóla 1741, missti skólavist fyrir barneignarbrot 1745, en hlaut að öðru leyti góðan vitnisburð frá öllum, sem að skólanum stóðu. Fekk uppreisn 3. mars 1747 og var tekinn aftur í skólann, stúdent 21. dec. s.á., fekk Hvalsnes 1748, vígðist 23. maí s. á., Stað í Grindavík 1755, Kálfafell 22. okt. 1773, tók við 2. júní 1774, og loks 12. júlí 1780 Háls í Hamarsfirði, í skiptum við síra Jón skáld Hjaltalín, og hélt til æviloka. Talinn af byskupi vel gefinn maður, en drykkfelldur í meira lagi og svo hjálpsamur við aðra, að hann gleymi sjálfum sér, enda skuldugur. Í móðuharðindunum missti hann allan kvikfénað sinn og kúgildi kirkjunnar og komst á verðgang, en fekk 1785 tillag til styrktar þurfandi prestum. --Kona: Ingibjörg Eiríksdóttir prests að Hrepphólum, Oddssonar, ekkja síra Helga Jónssonar á Stað í Grindavík; ekki komust upp börn þeirra, ef átt hafa. Launsonur síra Þórðar í skóla (með Arnbjörgu Einarsdóttur að Giljum í Hálsasveit, Grettissonar): Jón dó utanlands (HÞ.; SGrBf.).
Bóndi í Arney. --Foreldrar: Jón lögréttumaður Ólafsson á Grímsstöðum í Breiðavík og kona hans Sigríður Bjarnadóttir lögsagnara í Arnarbæli, Bjarnasonar. Hefir skrifað upp Margt handrita, kvæði og annað (sjá Lbs.). Andaðist í Hrappsey. --Kona 1: Valgerður Hannesdóttir í Snóksdal, Þórðarsonar; þau bl. --Kona 2: Kristín Guðmundsdóttir að Hrauni í Helgafellssveit, Guðmundssonar. --Börn þeirra: Guðmundur í Arney (prentari í Hrappsey), Hólmfríður átti Ólaf Sveinsson í Purkey, Valgerður f. k. Einars Einarssonar að Hrísum. Launsonur Ólafs (með Kristínu Þorláksdóttur): Kristján bl. (BB. Sýsl.; Ann. bmf. 111).
--Prestur. --Foreldrar: Síra Jón Pálsson á Stað í Steingrímsfirði og kona hans Solveig Jónsdóttir prests á Breiðabólstað á Skógarströnd, Jónssonar. Tekinn í Skálholtsskóla 1743, stúdent 6. maí 1748, var 10. s.m. kvaddur til að vera djákn í Hítardal, en færðist undan því, fyrr en hann hefði ráðgazt við foreldra sína, vígðist 20. okt. 1749 aðstoðarprestur síra Gísla Hannessonar á Stað í Grunnavík, fekk það prestakall eftir hann 1750, drukknaði í róðri. Var mannvænlegur maður. Eftir hann mun vera líkræða eftir síra Gísla Hannesson í Lbs. 43, 4to. Var ókv. og bl. (HÞ.; SGrBf.).