. Goðorðsmaður, síðastur af Vatnsfirðingum. Foreldrar: Þorvaldur Snorrason Vatnsfirðingur, brenndur inni 6. ág. 1228,.og síðari kona hans (gift haustið 1224) Þórdís, laundóttir Snorra fróða Sturlusonar og Oddnýjar. Einars er oft getið í Sturlungu, og var hann meðal þeirra, er sóru skatt Hákoni konungi 1262. Árið 1273 dæmdi Jón erkibiskup af Einari Vatnsfjörð. 1284 tók Einar aftur Vatnsfjörð, er aðrir leikmenn tóku staði þá, sem átt höfðu. 1286 var Einar bannsettur af Árna biskupi fyrir staðartökuna og ólöglegt kvennafar, og er þess þó getið, að Einar var eiginkvæntur, en kona hans ekki nafngreind. Enda hefir hann ekki átt skilgetið afkvæmi, sem til aldurs kæmist, þó að yngri ættatölur eigni honum ranglega Vilborgu, sem var Sigurðardóttir. Einar mun hafa dáið í banni um 1286–87 (Sturl.; Árna bps saga) (SD.).