Prestur.

Faðir: Snorri Sveinsson í Skógarnesi ytra.

Kemur fyrst við skjöl 1497 og er þá prestur, líkl. þá þegar á Stað á Ölduhrygg. Kemur síðast við skjöl 1534; telja sumir hann hafa látizt 1538. Hann var skáld („,Ölduhryggjarskáld“), en ekkert er nú kunnugt kvæða hans.

Börn hans: Marteinn byskup, Brandur sýslumaður á Snorrastöðum, síra Pétur í Hjarðarholti, Guðrún (f. 1489) átti fyrr Halldór að Fróðá, síðar Daða sýslumann Guðmundsson í Snóksdal, Guðlaug átti enskan kaupmann, Þorvarður lærði í háskóla í Kh., dó þar 1545. Um móðerni barna síra Einars, munu ættbækur vera ótraustar. Ingiríður, systir Stefáns byskups, er talin móðir Marteins byskups, en það fær ekki staðizt vegna sifja, er í þeim ættum verða síðar. Gróa er nefnd móðir Brands (og þá líkl. Péturs og Þorvarðs). Systurnar Guðrún og Guðlaug hafa verið elztar (Ýmsar heimildir).