Stúdent?

Foreldrar: Eggert sýslumaður Björnsson hinn ríki að Skarði og kona hans Valgerður Gísladóttir lögmanns, Hákonarsonar.

Lærði í Hólaskóla, en ekki víst, hvort hann varð stúdent. Hans getur á alþingi 1658, 1660 og 1663. Þar var hann og 1664, en á heimleið þaðan kenndi hann sóttar, lagðist, er heim kom, og andaðist eftir nokkura legu. Þá veiktust allar systur hans, og andaðist ein þeirra, Ragnheiður, 2 dögum síðar en Daði. Hann var lofaður Helgu Þorláksdóttur í Súðavík, Arasonar, sem síðar átti Jón sýslumann eldra Vigfússon, og hafði verið sókt um hjúskaparleyfi handa þeim vegna frændsemi. Um hann er sagt, að hann hafi verið „þægilegur maður og kom sér vel, svo að fáir ungir menn voru hans líkar“ (HÞ.).