. Bóndi. Foreldrar: Jón (d. 23. júní 1894, 68 ára) Daníelsson á Eiði á Langanesi og kona hans Arnþrúður (d. 17. ág. 1920, 91 árs) Jónsdóttir á Syðra-Lóni, Sigurðssonar. Bóndi á Eiði. Mikill búhöldur og bætti jörð sína að húsum og ræktun. Kom upp æðarvarpi með því að byggja hólma í Eiðisvatni. Fekkst við súrþaraverkun með góðum árangri (og ritaði um það í Búnaðarritið 1912). Hlaut verðlaun úr styrktarsjóði Kristjáns IX. 1896. Gegndi ýmsum trúnaðarstörfum í sveit sinni. Ritaði greinar í blöð og tímarit. Kona 1 (6. júlí 1875): Þorbjörg (d. 15. mars 1880, 28 ára) Einarsdóttir í Fagranesi á Langanesi, Eymundssonar. Dóttir þeirra: Þorbjörg átti Gunnlaug Jónsson á Eiði. Kona 2 (17. okt. 1889): Margrét (d. 1898, 44 ára) Vigfúsdóttir í Garði í Þistilfirði, Kristjánssonar. Börn þeirra: Jón búfræðingur dó ókv., Arnþrúður átti Halldór hreppstjóra Benediktsson á Hallgilsstöðum (s.k.), Björg (Br7.; Óðinn XI; kirkjubækur).