Foreldrar: Þorsteinn Þorsteinsson í Æðey og kona hans Hildur Guðmundsdóttir sýslumanns Schevings. Ólst upp í Danmörku frá 8 ára aldri, var látinn stunda sjómennsku frá fermingu um nokkur ár, en varð síðan verzlunarmaður í Kh. og í Reykjavík 1882, varð meðeigandi að verzlun og sjávarútgerð Geirs Zoega 1889, stofnaði 1896 verzlunina „Liverpool“ í Rv., og jókst hún mjög í ýmsum deildum, jafnframt hafði hann mikla þilskipaútgerð og síðar botnvörpungaútgerð, með öðrum, undir stjórn hans.

Kona (11. maí 1889): Kristjana Geirsdóttir kaupmanns Zoéga.

Börn þeirra, sem upp komust: Geir útgerðarmaður í Reykjavík, Guðrún átti Böðvar adjunkt Kristjánsson, Hildur Sofía hjúkrunarkona, Sigríður (Sunnanfari XIII; Óðinn XII; Verzlunartíðindi, 7. árg.).