Prestur.

Foreldrar: Síra Jón aðstoðarprestur að Hólmum Þorsteinsson og kona hans Þórunn Jónsdóttir prests að Hólmum, Högnasonar. Lærði 4 vetur hjá síra Guttormi Pálssyni í Vallanesi, síðan 1 vetur hjá Sæmundi stúdent Brynjólfssyni, varð síðast eftir 1 vetur stúdent úr heimaskóla frá Geir byskupi Vídalín vorið 1821. Var síðan ýmist með móður sinni á Helgustöðum eða skrifari hjá Páli sýslumanni Melsteð á Ketilsstöðum. Vígðist 10. maí 1825 aðstoðarprestur síra Guðmundar Erlendssonar á Klyppsstað og var það til æviloka.

Kona: Sigríður (f. 28. maí 1797, d. í sept. 1827) Árnadóttir prests í Kirkjubæ í Tungu, Þorsteinssonar, Barn áttu þau eitt, er fæddist eftir lát föður síns og dó 3 dögum á eftir móður sinni (Vitæ ord. 1825; SGrBf.).