Prestur.

Faðir hans líklega Sigmundur Árnason í Ásgarði í Grímsnesi eða síra Sigmundur Jónsson á Snæúlfsstöðum. Getur fyrst í skjölum 1533, og hefir hann þá líklega verið prestur í Rangárþingi, en mun hafa fengið Þingvelli s. á. (eða 1534), næst eftir Alexíus Pálsson, sem orðið hefir ábóti í Viðey 1532, þótt sagt sé (í JH. Pr.), að Eyjólfur nokkur, faðir Ögmundar bónda (má vera Eyjólfur Jónsson á Hjalla) hafi haldið staðinn í milli þeirra og afhent hann síra Árna. Þar var síra Árni til dauðadags (líklega 1572). Síra Árni hafði og bú að Neðri Brú í Grímsnesi, sem er kirkjujörð frá Þingvöllum.

Kona: Védís.

Dóttir þeirra: Gyríður átti Gottskálk á Geirseyri, Sturluson, Eyjólfssonar á Hjalla (HÞ.).