Bóndi, skáld.

Foreldrar: Síra Gísli Gíslason á Desjarmýri og kona hans Ragnheiður Árnadóttir prests í Heydölum, Álfssonar. Bjó lengstum í Höfn í Borgarfirði. Mikilmenni í sjón og raun, sjósóknari mikill, örlátur, drykkfelldur mjög, vel gefinn og orkti mikið (sjá Lbs.).

Kona: Guðlaug Torfadóttir stúdents að Stóra Sandfelli í Skriðdal, Pálssonar. Synir þeirra: Hjörleifur sterki í Snotrunesi, Jón sterki í Höfn (nefndir Hafnarbræður).

Laundóttir Árna (með Þórunni Ólafsdóttur lögréttumanns Péturssonar, ekkju Hallgríms Þorgrímssonar á Þrándarstöðum): Þórunn átti Jón Vigfússon á Ketilsstöðum í Útmannasveit (Sigf. Sigf. Þjóðs. X, og er þar margt kvæða hans; Ísl. sagnaþættir Þjóðólfs, 1).