Spítalaráðsmaður.

Foreldrar: Síra Árni Ámundason að Setbergi og kona hans Þorbjörg eldri Björnsdóttir prests á Staðastað, Snæbjarnarsonar. F. (líkl.) á Staðastað. Stúdent úr Skálholtsskóla einhvern tíma á árabilinu 1698–1700. Fluttist með móður sinni vorið 1701 frá Setbergi að Eiði í Eyrarsveit. Salómon Jónsson, er var spítalaráðsmaður á Hallbjarnareyri andaðist 1702. Vildu ýmsir ná í það starf. Ámundi reið þá til fundar við Jón byskup Vídalín í Krossholti, sem þar var staddur (29. ág. 1702) á yfirreið um byskupsdæmið, og fekk frá honum meðmæli til Lárusar Gottrups, sem þá var umboðsmaður amtmanns. Fekk hann umboðsbréf frá þeim byskupi fyrir þessu starfi á alþingi 16. júlí 1703, en ekkja Salómons skyldi halda jörðinni fardagaárið 1703–4. Tók Ámundi til fulls við umráðum jarðarinnar 28. maí 1704. Andaðist í bólunni miklu, ókv. og bl. (HÞ.).