Prestur.

Foreldrar: Helgi Vigfússon á Hvítárvöllum og kona hans Þuríður Ásgeirsdóttir prests að Lundi, Hákonarsonar.

Er orðinn prestur í Breiðavíkurþingum eigi síðar en 1622 og hélt til 1669, er hann lét af prestskap. Bjó þar fyrst að Laugarbrekku, síðar að Litla Kambi, síðast í Brekkubæ. Hann er enn á lífi 23. júní 1674 og á þá heima að Lundum í Stafholtstungum. Við hann er líkl. bundin sú sögn (fremur en síra Vigfús Ísleifsson að Setbergi), að hann hafi í víneklu haft brennivín í stað messuvíns í kaleiknum, og hafi kerling, er til altaris var, mælt: „Beiskur ertú nú, drottinn minn!“ Er þetta talið hafa verið 1638 og að hann hafi þá í bili misst prestakallið.

Kona: Halldóra Nikulásdóttir lögréttumanns í Brekkubæ, Oddssonar.

Börn þeirra: Helgi að Lundum, síðar í Þrengslabúð, Árni að Heydalsá í Steingrímsfirði, Guðný f. k. Skafta Torfasonar að Laugarbrekku, Guðmundur ringlaðist á geðsmunum (HÞ.; SGrBf.).