Bjó í Krossholti. Launsonur síra Flosa Jónssonar á Stað á Ölduhrygg (með Oddnýju Ketilsdóttur hirðstjóra, Þorlákssonar, SD.). Kann að hafa haft sýsluvöld. Virðist hafa verið ofstopamaður, átti jafnvel illdeilur við son sinn. Var í banni 1384 og skyldi taka skriftir á páfagarði. Fór og utan, en komst ekki svo langt og var leystur af öðrum. Aftur færður í bann 1394, og getur hans þá síðast.

Sonur hans: Narfi á Kolbeinsstöðum, faðir Erlends sýslumanns í Teigi, Ketils prests á Kolbeinsstöðum og Halldóru, sem fylgdi Þorvaldi Þorkelssyni prests í Reykholti, Ólafssonar (sl. Ann.; Dipl. Isl.; BB. Sýsl.).