Prestur. Hann er kallaður djákn í bréfi 1514.

Prestur er hann talinn 1521 og 1522; mætti ætla, að hann hafi þá verið prestur í Rangárþingi (má vera aðstoðarprestur síra Jóns Einarssonar í Odda). Síðari ár ævinnar hefir hann verið prestur í Laugardal í Tálknafirði (fyrir og eftir 1546). Síðast virðist hann eiga heima í Bæ á Rauðasandi (heimilisprestur þar?); þar er hann 1559 og segist vera nærri 70 ára að aldri). Þess er getið í Byskupaannálum síra Jóns Egilssonar, að síra Ari hafi skorið „allan skurð á Skálholtskirkju innan, bæði á stöfum, hurðum og öðru“. Hefir þetta verið 1529, er Ögmundur byskup Pálsson hóf að reisa kirkjuna. (Dipl. Isl.; Safn I.; HÞ.).