Dóttir Sighvats Sturlusonar (sjá ætt þar). M.: Hálfdan að Keldum Sæmundsson í Odda, Jónssonar.

Börn þeirra: Sighvatur riddari að Keldum, Sturla, Loptur riddari á Grund, Solveig átti Þorvarð Þórarinsson, Svanhildur átti Árna Jónsson í Skipholti. Hún var hinn mesti kvenskörungur á sinni tíð. Er það til marks, að hún var gerðarmaður í deilum Þórðar kakala, bróður síns, við Sigvarð byskup Þéttmarsson og Árnesinga, og að Þórður fal henni og manni hennar ríki sitt og búsforstöðu á Grund í Eyjafirði, er hann fór utan (1246). Eftir lát hans kallaði Steinvör og til ríkis hans og fal það dótturmanni sínum, Þorvarði Þórarinssyni (Sturl.; Dipl. Isl.; Ob. Isl.).