Bóndi, stúdent.

Foreldrar: Sigurður Vigfússon að Setbergi á Skógarströnd og kona hans Solveig Sigurðardóttir að Ósi á Skógarströnd, Tómassonar, Nam skólalærdóm (1776–83) hjá Vigfúsi Jónssyni í Miklaholti, stúdent úr heimaskóla 14. júlí 1783 frá Páli konrektor Jakobssyni, með góðum vitnisburði, setti bú í Geitareyjum 1784, fluttist að Ósi 1800, aftur að Geitareyjum 1818, fluttist til sonar síns í Brokey og andaðist þar. Hann var valmenni og hélt sér lítt fram, sókti aldrei um prestskap.

Kona 1 (1784); Guðrún (d. 27. júlí 1791) Guðmundsdóttir í Geitareyjum, Guðmundssonar.

Dóttir þeirra: Sigríður Sigurlín átti Ívar hreppstjóra Bjarnason í Laxárdal á Skógarströnd.

Kona 2 (16. okt. 1792): Hildur (d. 21. dec, 1816, 57 ára) Jónsdóttir konrektors og silfursmiðs í Árkvörn, Vigfússonar.

Börn Þeirra, sem upp komust: Vigfús í Brokey, Benedikt smiður í Litla Galtardal, Jón smiður í Geitareyjum, Kristján í Hvítárvallakoti og Suðurkoti, Halldóra átti laundóttur (Guðbjörgu), er kennd var Guðmundi vinnumanni Helgasyni í Neðra Nesi, en almennt talin dóttir Péturs sýslumanns Ottesens að Svignaskarði, varð síðan s.k. Guðmundar yngra Sveinbjörnssonar á Hvítárvöllum, Kristín s. k. Jóns Ásgrímssonar úr Önundarfirði, Sæmundur skipasmiður í Stykkishólmi, Katrín átti fyrr Davíð stúdent Scheving í Rauðsdal, síðar Erlend trésmið Bjarnason, Lárus stúdent og skáld. Launbörn Sigurðar stúdents: Margrét (með Þorbjörgu Hrólfsdóttur, vinnukonu hans) átti Jóhann hreppstjóra Teitsson að Ósi, Elías í Straumfjarðartungu (skírður Eleasar), var fyrst kenndur látnum manni, Þorleifi Sæmundssyni (Lbs. 48, fol.; HÞ.).