Prestur. Faðir: Síra Jón Salómonsson að Hesti. Varð prestur að Hálsi í Hamarsfirði 1627, en missti næsta vetur í harðindum mestallt fé sitt og staðarins og varð að hrökklast þaðan vorið 1628, hefir skömmu síðar fengið Mosfell í Grímsnesi og hélt til æviloka, gegndi kirkjuprestsstarfi í Skálholti haustið 1658. Virðist hafa verið talsvert mikils metinn, því að 1652 vildi Árni lögmaður Oddsson, að hann tæki að sér forstöðu Klausturhólaspítala og hefði jafnframt prestakallaskipti, þótt ekki yrði af.

Kona: Þuríður Jónsdóttir, Einarssonar (systir síra Einars í Meðallandsþingum).

Börn þeirra: Síra Jón í Reynisþingum, Þuríður f. k. síra Jóns Snorrasonar að Mosfelli (HÞ.; SGrBf.).