Prestur. Faðir: Dálkur Þorsteinsson, bróðir Ketils byskups Þorsteinssonar, af Möðruvellinga kyni. Hann er nefndur meðal presta vestanlands 1143, var enn á lífi um 1170 og var þá á vist með dótturmanni sínum, Ólafi presti Sölvasyni á Helgafelli, og er þá kallaður hinn mesti lærdómsmaður og höfuðklerkur. Bróðir hans hefir væntanlega verið Guðmundur Dálksson. Í Bjarnar sögu Hítdælakappa er vitnað til Runólfs Dagssonar, og hyggja menn það ritvillu fyrir Dálkssonar, Dóttir Runólfs: Hallgerður, gift Ólafi presti Sölvasyni, var numin brott af Páli Þórðarsyni í Vatnsfirði og urðu af því deilur (Prestaskrá í Fornbrs. I; Sturlu saga; Bjarnar saga, sjá einkum Ísl. fornrit INT, LXXXTII o. áfr.).