Amtmaður.

Foreldrar: Henrik kaupm. Lafrentz í Næstved og kona hans Anna Willemsdatter Nedrich. Varð amtmaður 16. okt. 1733, kom til landsins 1734, hélt til æviloka, andaðist á Bessastöðum, var utanlands frá í ágúst 1736 þangað til í júní 1737, og var þá Ólafur Árnason, síðar sýslumaður, umboðsmaður hans. Sat ekki á alþingi 1735 og 1743 vegna veikinda.

Virðist hafa verið röggsamur í embætti, en stórlyndur nokkuð og bráður, tilfinninganæmur og tortryggur, átti misklíð við Bjarna sýslumann Halldórsson á Þingeyrum, og ekki var gott samkomulag með honum og Jóni byskupi Árnasyni. Hann var ókv. og bl., lét eftir sig til skipta 1661 rd. Hafði bróðir hans verið borgarstjóri í Næstved, en önnur systra hans átt Hans Schytz prófast á Sjálandi (HÞ.).