. Húsmóðir.

Foreldrar: Guðmundur (d. 26. nóv. 1837, 60 ára) Bjarnason Scheving kaupmaður í Flatey og kona hans Halldóra (d. 5. sept. 1843, 65 ára) Benediktsdóttir stúdents á Staðarfelli, Bogasonar. Mikilhæf kona, glæsileg í sjón, talin af kunnugum „einhver hin bezta og göfugasta kona“, og heimili hennar og manns hennar í Flatey eitt hið merkasta menningarheimili vestanlands á þeirri tíð. Átti hin síðari ár heima í Reykjavík og dó þar. Sá um, að manni sínum látnum, að handritasafn hans gengi til Landsbókasafns. Gaf af skuldlausum eigum sínum eftir sinn dag til stofnunar kvennaskóla á Vesturlandi; á vegum þess sjóðs var stofnaður húsmæðraskóli á Staðarfelli. Maður (18. febr. 1838): Brynjólfur (d. 24. jan. 1870, 62 ára) stúdent og kaupmaður í Flatey Bogason Benedictsen; þau systkinabörn.

Börn þeirra 14 dóu í bernsku nema ein dóttir, Ingileif, sem dó á undan móður sinni óg. og bl. (Nýtt kirkjubl. VI; Sunnanfari XI; Kvennablaðið V; Matthías Jochumsson: Sögukaflar af sjálfum mér).