. Kennari. Foreldrar: Sigmundur (d. í febrúar 1930, 55 ára) Sigurgeirsson í Árbót í Aðaldal og kona hans Jóhanna (d. 1907) Þorsteinsdóttir í Jarlsstaðaseli, Þorsteinssonar. Var við prentnám á Akureyri 1911–14 og í iðnskóla þar. Lauk kennaraprófi í Reykjavík 1919. Skólastjóri barnaskólans á Eyrarbakka 1919–29. Kennari við 270 barnaskóla Austurbæjar í Rvík frá 1931. Varð námsstjóri barnaskóla á Vestfjörðum 1942. Fór námsferðir til Norðurlanda og Englands 1923, 1929 og 1935. Var brautryðjandi um notkun vinnubóka í skólum og hélt námsskeið fyrir kennara í þeirri grein, Var í stjórn ungmennafélaga 1913–29; sambandsstjóri U.M.F.Í. 1930–38. Var í stjórn sambands ísl. barnakennara (varaform.) frá 1937; í milliþinganefnd í íþróttamálum 1938. Féll útbyrðis af skipi á leið frá Borgarnesi og drukknaði. Ritstörf: Gaf út Skátabókina, Rv. 1930; Leiðbeiningar um vinnubókagerð (aðalhöfundur), Rv. 1936; Vertu viðbúinn, Rv. 1940; Drengir sem vaxa, Rv. 1942; Tjöld í skógi, Rv. 1942. Þýddi auk þess bækur úr sænsku og dönsku (sjá Menntamál XVI). Ókv., bl. (Br7.; Menntamál 1943).