Bóndi að Borg í Víðidal, síðar á Finnbogastöðum í Trékyllisvík. Faðir: Ásbjörn dettiás Eyvindsson (Loðinssonar önguls, Landn., Gunnbjarnarsonar, sagan). Móðir hans talin í sögunni Þorgerður (systir Þorgeirs Ljósvetningagoða), en er að réttu móðir sonarsonar hans, föður Narfa, og má þangað rekja Skarðverjaætt. Af honum er sérstök saga.

Konur hans tvær eru greindar í sögunni og synir þeirra nokkurir, en allt er það heldur hæpið og raunar sagan öll. Deilna hans við Ingimundarsonu hins gamla getur þar og í Vatnsd. (sjá ella Landn.).