Prestur. Er af sumum talinn sonur síra Jóns Sæmundssonar fyrr að Felli í Sléttahlíð, síðar að Kvíabekk. Hans getur í skjölum 1571–83 og er jafnan nefndur prestur. Svo virðist sem hann hafi fyrst haldið Hofsþing í Skagafirði, en fengið Fell í Sléttahlíð 1582, verið þar til 1585, er síra Erlendur Guðmundsson tók við. Erlendur prestur í Eyjafirði fær ölmusupeninga 1586; gæti verið þessi, og hafi hann farið norður í Eyjafjörð, er hann sleppti Felli (Bréfab. Guðbr. Þorl.; HÞ.; SGrBf.).