. Hreppstjóri. Foreldrar: Erlendur Bergsveinsson í Gröf í Grímsnesi og kona hans Guðleif Jónsdóttir, Bóndi á Breiðabólstað á Álftanesi og hreppstj. í Bessastaðahreppi. Var merkismaður, hjálpsamur og ráðhollur. Einn af mestu sjósóknurum á Álftanesi og bar af flestum um formannshæfileika. Kona: Þuríður (d. 22. júlí 1907, 81 árs) Jónsdóttir formanns í Þorlákshöfn, Ólafssonar. Af börnum þeirra komust upp: Hólmfríður átti fyrr Þorvarð Guðmundsson á Bárekseyri og síðar Jón Einarsson í Gunnarsholti, Guðleif átti Einar skipstjóra Ketilsson í Rv., Kristín átti Sigurð Grímsson frá Landakoti á Álftanesi, fóru til Vesturheims, Þórunn átti Guðjón bátasmið Einarsson í Rv., Vigdís átti Hallgrím skólastjóra Jónsson í Rv. (Erl. Björnsson: Sjósókn, Rv.1945; ýmsar heimildir).