Kaupmaður.

Foreldrar: Þorgrímur byssuskytta á Bessastöðum (danskur að faðerni, en íslenzkur í móðurætt) og kona hans Þuríður matreiðslukona á Bessastöðum Eiríksdóttir (Ólafssonar prests að Kvennabrekku, Ólafssonar).

Lærði í Skálholtsskóla, en ekki öldungis víst, að hann hafi orðið stúdent. Fór síðan til Englands, kvæntist þar tvisvar, kom oft til landsins með enskar vörur og ferðaðist með varning sinn um landið. Andaðist í Englandi. Var hið mesta hraustmenni og kallaður Eiríkur sterki eða Eiríkur Grímason.

Skírgetinn sonur hans hét Vilhjálmur, lærði í Hólaskóla, en fór síðan utan.

Launsonur Eiríks hét Gunnlaugur, gildur maður að karlmennsku, bjó að Geithömrum í Svínadal 1703, Tl árs (HÞ.).