Sýslumaður.

Foreldrar: Árni stúdent Davíðsson í Belgsholti og kona hans Þóra Jónsdóttir prests að Mosfelli í Mosfellssveit, Hannessonar. F. Í Belgsholti. Lærði undir skóla hjá síra Þorvaldi Böðvarssyni og síðan síra Ólafi Hjaltasyni Thorberg. Tekinn í Bessastaðaskóla 1826, var síðasta veturinn heima vegna veikinda, en tók samt stúdentspróf með góðum vitnisburði 24. maí 1832. Lauk aðgönguprófi í háskólanum í Kh. sama haust með 1. einkunn, 2. lærdómsprófi 1833 einnig með 1. einkunn og embættisprófi í lögfræði 7. nóv. 1836 með 1. einkunn í bóklegu prófi, 2. einkunn í verklegu. Var um veturinn í skrifstofu nyrðra birkis Kh., kom út 1837 og var fyrst til aðstoðar bróður sínum, Jóhanni sýslumanni Árnasyni í Þingeyjarsýslu, settur sýslumaður í Eyjafjarðarsýslu 3. ág. 1838–24. júlí 1839 og eftir lát Jóhanns bróður síns (26. mars 1840) í Þingeyjarsýslu. Með konungsúrskurði var Þingeyjarsýslu skipt í tvær sýslur 17. febr. 1841, og hlaut þá Arnór nyrðra hlutann 28. sept. s. á., bjó hann þar í Skógum í Öxarfirði, til þess er hann fekk Húnavatnssýslu, sem var veitt honum 10. maí 1847, og fluttist hann þangað samsumars, bjó í Ytri Ey á Skagaströnd til dauðadags. Sæmdur kammerráðsnafnbót 6.: okt. 1854. Talinn góður lagamaður, en nokkuð einkennilegur í háttum. Ókv. og bl. (Bessastsk.; Tímar. bmf. 1882; BB. Sýsl.; HÞ.).