Áshreppur (svo í manntali árið 1703 en Vatnsdalshreppur fremri í Jarðabók Árna Magnússonar og Páls Vídalín árið 1706, Ásþingsókn í jarðatali árið 1753), gekk inn í Húnavatnshrepp (Sveinsstaða-, Torfalækjar-, Svínavatns- og Bólstaðarhlíðarhreppa) sumarið 2006. Prestaköll: Undirfell til ársins 1906, Grímstunga til ársins 1848, Þingeyraklaustur frá árinu 1906. Sóknir: Undirfell, Grímstunga til ársins 1881. — Fólk í Marðarnúpsseli virðist a.m.k. stundum hafa notið þjónustu Auðkúluprests og sótt kirkju að Auðkúlu. Marðarnúpssel tilheyrði Áshreppi, en býlið var í Svínadal, sem að öðru leyti var í Svínavatnshreppi.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.