Þverárhreppur (svo í manntali árið 1703 en Vestarahópshreppur í Jarðabók Árna Magnússonar og Páls Vídalín árið 1705, Þverárþingsókn í jarðatali árið 1753), sameinaðist árið 1998 öðrum hreppum í Vestur-Húnavatnssýslu (Staðar-, Fremri- og Ytri-Torfustaða-, Kirkjuhvamms-, Hvammstanga- og Þorkelshólshreppum) undir heitinu Húnaþing vestra. Bæjarhreppur í Strandasýslu slóst í hópinn í ársbyrjun 2012. Prestaköll: Tjörn á Vatnsnesi til ársins 1970 (í raun til ársins 1989), Vesturhópshólar til ársins 1851, Breiðabólsstaður í Vesturhópi (að öllu leyti frá árinu 1989, formlega frá árinu 1970). Sóknir: Tjörn, Vesturhópshólar til ársins 2014 (sameinaðist Hvammstangasókn), Breiðabólsstaður, Hvammstangi frá árinu 2014.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.