Staðarhreppur (svo í manntali árið 1703 en Hrútafjarðarhreppur í Jarðabók Árna Magnússonar og Páls Vídalín árið 1705, Staðarþingsókn í jarðatali árið 1753). Sameinaðist árið 1998 öðrum hreppum í Vestur-Húnavatnssýslu (Fremri- og Ytri-Torfustaða-, Kirkjuhvamms-, Hvammstanga-, Þverár- og Þorkelshólshreppum) undir heitinu Húnaþing vestra. Í ársbyrjun 2012 bættist við Bæjarhreppur í Strandasýslu. Prestakall: Staður í Hrútafirði til ársins 1849, 1867–1869, 1877–1880, Prestsbakki í Hrútafirði 1849–1867, 1870–1877, 1880–2003 (Prestsbakkaprestar sátu á Stað 1869–1870, 1880–1881, 1904–1920), Melstaður frá ársbyrjun 2004. Sókn: Staður í Hrútafirði.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.