Bæjarhreppur (Hrútafjarðarhreppur í manntali árið 1703, Bæjarhreppur í Jarðabók Árna Magnússonar og Páls Vídalín árið 1709, Bæjarþingsókn í jarðatali árið 1761). Var sameinaður Húnaþingi vestra, sem orðið hafði til árið 1998 úr sjö hreppum Vestur-Húnavatnssýslu (Staðar-, Fremri- og Ytri-Torfustaða-, Kirkjuhvamms-, Hvammstanga-, Þverár- og Þorkelshólshreppum), í ársbyrjun 2012. Prestaköll: Prestsbakki til ársins 2003, Staður í Hrútafirði 1756–1849, 1867–1869, 1877–1880 (Prestsbakkaprestar sátu á Stað 1869–1870, 1880–1881, 1904–1920), Melstaður frá ársbyrjun 2004. Sóknir: Prestsbakki, Óspakseyri til ársins 1886, Staður í Hrútafirði frá árinu 1756 (þá fjórir syðstu bæir í hreppnum ásamt hjáleigum, en tveir hinir syðstu frá árinu 2000).
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.