Mýrahreppur (nefndur Mýraþingsókn í manntali árið 1703 en einnig Dýrafjarðarhreppur norðan fram. Nafnið Mýraþingsókn er notað í Jarðabók Árna Magnússonar og Páls Vídalín árið 1710 og sömuleiðis í jarðatali árið 1753). Myndaði Ísafjarðarbæ árið 1996 ásamt Þingeyrar- (áður Auðkúlu- og Þingeyrarhreppum), Mosvalla-, Flateyrar- og Suðureyrarhreppum og Ísafjarðarkaupstað. (Eyrarhreppur var innan Ísafjarðarkaupstaðar frá árinu 1971, Snæfjallahreppur (Snæfjalla- og Grunnavíkurhreppar) frá árinu 1994 og Sléttuhreppur frá árinu 1995). Prestakall: Dýrafjarðarþing til ársins 1952, Núpur 1952–1970, Þingeyri frá árinu 1970. (Holtsprestur í Önundarfirði þjónaði Núpskalli á árunum 1964–1988 og má segja að Núpsprestakall hafi þannig haldist til ársloka 1988). Sóknir: Mýrar, Núpur og Sæból.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.