Hvammssveit/Hvammshreppur (Hvammssveit í manntali árið 1703 og Jarðabók Árna Magnússonar og Páls Vídalín sama ár, Hvammsþingsókn í jarðatali árið 1756). Varð að Dalabyggð ásamt Suðurdala- (Hörðudals- og Miðdalahreppum), Haukadals-, Laxárdals-, Fellsstrandar- og Skarðshreppum árið 1994. Skógarstrandarhreppur bættist við í ársbyrjun 1998 og Saurbæjarhreppur árið 2006. Prestakall: Hvammur í Dölum til ársins 1881, Hjarðarholt 1881–1890, Hvammur aftur 1890–2005, Hjarðarholts- og Hvammskall 2005–2007, Dalakall frá árinu 2007. Sóknir: Hvammur í Hvammssveit, Ásgarður til ársins 1884, Sælingsdalstunga til ársins 1853.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.