Haukadalshreppur (svo í manntali árið 1703 og Jarðabók Árna Magnússonar og Páls Vídalín sama ár, Jörfaþingsókn í jarðatali árið 1756). Varð að Dalabyggð árið 1994 ásamt Suðurdala- (Hörðudals- og Miðdalahreppum), Laxárdals-, Hvamms-, Fellsstrandar- og Skarðshreppum. Í ársbyrjun 1998 bættist Skógarstrandarhreppur við og Saurbæjarhreppur árið 2006. Prestakall: Kvennabrekka til ársins 1871, Suðurdalaþing 1871–1952, Kvennabrekka 1952–1970, Hjarðarholt 1970–2005, Hjarðarholts- og Hvammskall 2005–2007, Dalakall frá árinu 2007. Sóknir: Kvennabrekka til ársins 1871, Stóra-Vatnshorn (allur Haukadalshreppur var í Stóra-Vatnshornssókn frá árinu 1871).
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.