Hörðudalshreppur (Hörðadalshreppur í manntali árið 1703 og Jarðabók Árna Magnússonar og Páls Vídalín sama ár, Blönduhlíðarþingsókn í jarðatali árið 1756). Sameinaðist Miðdalahreppi í ársbyrjun 1992 sem Suðurdalahreppur sem varð að Dalabyggð árið 1994 ásamt Haukadals-, Laxárdals-, Hvamms-, Fellsstrandar- og Skarðshreppum. Í ársbyrjun 1998 bættist Skógarstrandarhreppur við og árið 2006 Saurbæjarhreppur. Prestakall: Miðdalaþing til ársins 1859, Kvennabrekka 1859–1871, Suðurdalaþing 1871–1952, Kvennabrekka 1952–1970, Hjarðarholt 1970–2005, Hjarðarholts- og Hvammskall 2005–2007, Dalakall frá árinu 2007. Sókn: Snóksdalur.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.