Kolbeinsstaðahreppur (svo í manntali árið 1703 og Jarðabók Árna Magnússonar og Páls Vídalín árið 1709, þing á Kaldárbakka í jarðatali árið 1752). Sameinaðist Borgarbyggð (Þverárhlíðar-, Norðurárdals-, Stafholtstungna-, Borgar-, Álftaness- og Hraunhreppum og Borgarnesbæ) ásamt Borgarfjarðarsveit (Andakíls-, Lundarreykjadals-, Reykholtsdals- og Hálsahreppum) og Hvítársíðuhreppi árið 2006. Prestaköll: Hítardalur til ársins 1875, Staðarhraun 1875–1965 (formlega til ársins 1970), Kolbeinsstaða- og Rauðamelsþing 1563–1645, Hítarnesþing til ársins 1892, Miklaholt 1892–1934, Söðulsholt 1934–1993, Staðarstaður frá árinu 1993. Sóknir: Hítardalur til ársins 1881, Staðarhraun frá árinu 1881 (sóknarhlutinn er í eyði, líklega að fullu frá árinu 1967), Kolbeinsstaðir, Krossholt til ársins 1884.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.