Stafholtstungnahreppur (Stafholtstungur í manntali árið 1703 og Jarðabók Árna Magnússonar og Páls Vídalín árið 1709, Hjarðarholtsþingsókn í jarðatali árið 1753). Jörðin Stafholtsey fór úr hreppnum til Andakílshrepps árið 1852 en árið 1685 úr Stafholtskalli og sókn í Hestþing og Bæjarsókn. Hreppurinn sameinaðist Norðurárdals- og Hraunhreppum og Borgarnesbæ árið 1994 sem Borgarbyggð. Árið 1998 bættust Þverárhlíðar-, Borgar- og Álftaneshreppar við og árið 2006 komu Borgarfjarðarsveit (Andakíls-, Lundarreykjadals-, Reykholtsdals- og Hálsahreppar), Hvítársíðu- og Kolbeinsstaðahreppar í þann hóp. Prestaköll: Stafholt, Gilsbakki til ársins 1918, Reykholt frá árinu 1918, Hestþing 1685–1852 (bærinn Stafholtsey). Sóknir: Stafholt, Hjarðarholt til ársins 1991, Síðumúli, Bær 1685–1852.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.