Andakílshreppur (svo í Jarðabók Árna Magnússonar og Páls Vídalín árið 1707, Andakílssveit í manntali árið 1703, Heggsstaðaþingsókn í jarðatali árið 1753). Jörðin Stafholtsey var færð til hreppsins frá Stafholtstungnahreppi árið 1852 (var innan Hestþinga og Bæjarsóknar frá árinu 1685). Hreppurinn sameinaðist Lundarreykjadals-, Reykholtsdals- og Hálsahreppum árið 1998 sem Borgarfjarðarsveit er varð hluti Borgarbyggðar (Þverárhlíðar-, Norðurárdals-, Stafholtstungna-, Borgar-, Álftaness- og Hraunhreppa og Borgarnesbæ) ásamt Hvítársíðu- og Kolbeinsstaðahreppum árið 2006. Prestakall: Hestþing til ársins 1952, Hvanneyri frá árinu 1952. Sóknir: Hvanneyri og Bær.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.