Skriðdalshreppur (svo í manntali árið 1703, Þingmúlaþingsókn í jarðatali árið 1753), sameinaðist Valla-, Eiða- og Hjaltastaðahreppum og Egilsstaðabæ sem Austurhérað árið 1998 sem varð að Fljótsdalshéraði ásamt Fellahreppi og Norðurhéraði (Jökuldals-, Hlíðar- og Tunguhreppum) árið 2004. Prestaköll: Hallormsstaður til ársins 1881, Þingmúli til ársins 1892, Vallanes (allur Skriðdalshreppur í Vallaneskalli frá árinu 1892) til ársins 1980, Egilsstaðir frá árinu 1980. Sóknir: Hallormsstaður til ársins 1895 (tveir bæir), Vallanes til ársins 1895 (tveir bæir), Þingmúli (allur Skriðdalshreppur frá árinu 1895).
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.