Jón Jónsson f. 1676
Einstaklingur í sögulegu manntali
Jón Jónsson (f. 1676)
Jón Jónsson (f. 1676)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1676 í Íslenzkum æviskrám
--Prestur. --Foreldrar: Síra Jón Arngrímsson á Barði og Vigdís Styrkársdóttir prests að Vesturhópshólum, Hallssonar. Prestvígður um 1623, líkl. aðstoðarprestur föður síns, en 1627 hefir hann farið að Hólum og gegnt þar að einhverju leyti kirkjuprestsstörfum. Þorlákur byskup setti hann 4. júní 1630 til þess að gegna prestsþjónustu í Miklabæ í Blönduhlíð (Silfrastöðum og Víðimýri). en vart mun sú þjónusta hafa staðið lengur en 1 ár, og um 1632–40 mun hann gegnt hafa aðstoðarprestsstarfi í Miklabæ í Óslandshlíð og Hofssókn og að fullu árin 1640–4, en Viðvíkursókn jafnframt fyrir og um 1640. Árið 1644 mun hann hafa fengið Ríp í Hegranesi og þjónað til elliára. En hin síðustu ár virðast sóknarmenn hans hafa orðið óánægðir með hann, og 17. sept. 1673 leitaði byskup vitneskju um hann í sókninni, en sóknarmenn svöruðu, að þeim virtist hann ekki fær til prestskapar. Vildi þá byskup fá hann til að taka sér aðstoðarprest, en síra Arngrímur svaraði með þjósti 3. okt. s. á., að hann vildi ekki annan aðstoðarprest en Sigurð, son sinn, en byskup neitaði, með því að hann væri lítt lærður og lítt hæfur til prestskapar, enda hefði ekki lokið námi að fullu. Varð af þessu rimma, og gerði síra Arngrímur kröfu um peningatillag fyrir þjónustu Miklabæjarkirkju í Óslandshlíð. --Var þá annar prestur látinn gegna Ríp, gegn synjan síra Arngríms, og þó hét síra Arngrímur að lokum að fara frá Ríp (1674). með því að byskup hét honum Syðra-Vallholti til ábúðar. Svo fór á prestastefnu á Flugumýri 18. maí 1675, að síra Arngrímur var dæmdur frá prestskap. Talinn er hann hafa dvalizt síðast á Frostastöðum; dánarár vita menn ekki, en talinn er hann hafa drukknað í Hjaltadalsá 1. nóv. 1676, á leið að Frostastöðum. --Kona: Guðný Halldórsdóttir. --Börn þeirra: Sigurður, er nefndur hefir verið, Tómas lögréttumaður á Syðri Brekkum, Gísli, tvær dætur ónafngreindar, taldar hafa búið í Beingarði í Hegranesi (HÞ.; SGrBf.).
--Prestur. Faðir: Jón Finnsson að Spákonufelli. Vígðist 12. febr. 1654 aðstoðarprestur síra Hallgríms Ólafssonar að Hofi á Skagaströnd. Hefir fengið Hof eigi síðar en 1666, fekk Fagranes 1673, í skiptum við síra Árna Jónsson, og hélt til æviloka. --Kona: Ragnheiður Kársdóttir í Vatnshlíð, Arngrímssonar. --Börn þeirra: Síra Björn á Staðarbakka, Oddur djákn á Reynistað, Kár á Glýsstöðum (fórst í snjóflóði 1714), Margrét átti Þorvald Finnsson að Arnbjargarlæk (HÞ.; SGrBf.).
Heyrari, bóndi. --Foreldrar: Jón byskup Vigfússon að Hólum og kona hans Guðríður Þórðardóttir prests í Hítardal, Jónssonar. Talinn stúdent úr heimaskóla, fór utan með föður sínum 1689, skráður í stúdentatölu í háskólanum í Kh. 4. apríl 1690, og hefir háskólanám hans ekki verið langt, því að hann kom út aftur með föður sínum vorið 1690, að því er segir í Mælifellsannál, en er í ættartölu einni talinn attestatus. Hann var heyrari í Skálholti 2 ár, 1699–1701. Hann bjó frá 1702 að Reykhólum, en fluttist 1704 að Brimilsvöllum, 1705 að Mávahlíð og var þar til dauðadags, drukknaði í Ábótapolli í Tunguós (í milli Fróðár og Mávahlíðar). Hann var vel gefinn maður og skáldmæltur (sjá Lbs.). --Kona 1 (18. sept. 1701). Margrét (f. um 1680, d. í bólunni miklu 1707) Magnúsdóttir lögmanns að Ingjaldshóli, Jónssonar. --Börn þeirra: Magnús amtmaður, Guðríður átti Finn byskup Jónsson, Ragnheiður átti síra Jón Jónsson í Stafholti. --Kona 2 (1712): Katrín (f. um 1684, d. 1761) Björnsdóttir sýslumanns að Staðarfelli, Jónssonar; þau bl. (BB. Sýsl.; HÞ.).
--Stúdent. --Foreldrar: Jón sýslumaður Þorláksson í Berunesi og kona hans Sesselja Hallgrímsdóttir prests í Glaumbæ, Jónssonar. Lærði í Skálholtsskóla og varð stúdent þaðan, fór utan 1694, skráður í stúdentatölu í háskólanum í Kh. 6. nóv. s.á., en andaðist þar skömmu síðar, jarðsettur 16. dec. s.á., ókv. og bl. Erfiljóð um hann voru prentuð í Kh. 1696, en ekki er nú kunnugt um nokkurt eintak þeirra (HÞ.).