Kaupstjóri o. fl. --Foreldrar: Síra Stefán Pétursson á Hjaltastöðum í Útmannasveit og kona hans Ragnhildur Björg Metusalemsdóttir frá Möðrudal. Fór til Vesturheims 1893, lærði í verzlunarskóla í St. Paul í 2 vetur, vann síðan í veræzlunarskrifstofu, gekk í her Bandaríkjanna 1898 í Filippseyjaófriðnum, gekk fram vasklega og varð næstnæsti fyrirliði (second-lieutenant) sinnar liðsveitar (nefndur síðan oft af löndum sínum „Filippseyjakappi“). Fekk heimfararleyfi sumarið 1899 og kom þá til Íslands fyrir jólin 1899. --Var næsta ár í veræzlunarskóla í Kh., varð forstöðumaður pöntunarfélags Fljótsdalshéraðs 1902, en það féll um koll 1908. --Var Jón þá í Seyðisfirði, mikils virður, bæjarfulltrúi um hríð. --Stundaði útgerð, en heppnaðist eigi. Fór til Vesturheims aftur 1913 og vann að ýmsum störfum, var síðast eftirlitsmaður með verksmiðju einni í Baltimore. Vel gefinn maður og vel að sér, rammur að afli. --Kona (1904). Solveig (f. 1884) Jónsdóttir alþm. frá Múla, Jónssonar. --Börn þeirra: Jón Múli, Stefán, Ragnar, Karl, Valgerður, Solveig (Óðinn XXX; Alm. Ól. Þorg. 1933; Br7.).