Sýslumaður. --Foreldrar: Jón sýslumaður Jónsson að Móeiðarhvoli og kona hans Sigríður Þorsteinsdóttir sýslumanns að Móeiðarhvoli, Magnússonar. F. að Stórólfshvoli. --Nam að mestu skólalærdóm af Hannesi byskupi Finnssyni, en síðar af Steingrími Jónssyni, síðar byskupi, varð stúdent úr heimaskóla frá Geir byskupi Vídalín 1799, fór utan s. á., lauk aðgönguprófi í háskólanum í Kh. 10. maí 1800, með 3. einkunn, lauk fyrra hluta 2. lærdómsprófs 8. okt. s.á., með 1. einkunn, síðara hl. þess 11. maí 1801, með 2. einkunn, kom snöggvast til landsins 1801, lagði stund á lögfræði og var í Kh. 12–13 ár, en lauk aldrei embættisprófi. Kom til landsins 1812 og var 26. júlí s.á. settur sýslumaður í Barðastrandarsýslu og var jafnan settur, sagði af sér sýslustörfum 4. nóv. 1846, fekk lausn frá þeim 10. júní 1847 og varð jafnframt kammerráð að nafnbót. Hann var mikill vexti og rammur að afli (sjá sagnir í Blöndu MI). Hann bjó í Teitsdal frá 1817 til dauðadags. --Kona 1 (7. nóv. 1815): Kristín eldri (f. 7. sept. 1791, d. 5. apríl 1826) Gísladóttir prests í Selárdal, Einarssonar. --Af börnum þeirra giftist einungis Valgerður og átti Nikulás Snæbjörnsson í Teitsdal. --Kona 2 (21. okt. 1828): Kristín yngri (í. 2. okt. 1799, d. 4. nóv. 1846), alsystir f.k. hans. Dætur þeirra: Kristín átti Kristján Thorlacius í Neðri Hvestu, Jóhanna átti Þorleif Thorlacius að Hóli í Bíldudal (BB. Sýsl.; HÞ.).

--Prestur. --Foreldrar: Síra Jón Þorvarðsson síðast á Breiðabólstað í Vesturhópi og kona hans Helga Jónsdóttir í Reykjahlíð, Einarssonar. F. í Reykjahlíð. Lærði fyrst hjá föður sínum. Tekinn í Hólaskóla 1799, var þar 2 vetur, lærði síðan hjá föður sínum, stúdent úr heimaskóla frá Geir byskupi Vídalín 1804, var síðan hjá föður sínum og kenndi bræðrum sínum, varð 1807 skrifari Sigurðar sýslumanns Snorrasonar að Giljá, vígðist 18. mars 1810 aðstoðarprestur föður síns, sem þá var í Glæsibæ, en bjó í Tungu á Svalbarðsströnd, fekk Glæsibæ 13. júní 1817 og fluttist þá þangað, varð sekur um hórdómsbrot (með Sigríði Hallgrímsdóttur frá Garðsá, vinnukonu sinni) og settur frá embætti 1820; um líkt leyti lenti á honum grunur um fölsun skjals um vistarráð, og var hann dæmdur í sektir, en þær gefnar honum upp í konungsúrskurði 13. nóv. 1820, og uppreisn fekk hann af hórdómsbrotinu 26. júní 1822. Frá 1820 bjó hann á parti í Hafsteinsstöðum, fluttist síðan að Hvammkoti á Skaga og þjónaði Hvammi í Laxárdal 1% ár til 1824, fekk Fagranes 13. júní 1824, Ríp 16. mars 1839, andaðist á leið til Heydala, sem hann hafði fengið 23. apr. 1857. --Hann var gáfumaður mikill, snjall ræðumaður og söngmaður ágætur, en nokkuð tilgerðarlegur, drykkfelldur og ráðlítill. --Dagbækur hans eru í Lbs. --Kona 1 (2. maí 1810): Sigríður (f. 25. sept. 1772, d. 11. okt. 1847) Snorradóttir prests í Hofstaðaþingum, Björnssonar. --Börn þeirra, sem upp komust: Síra Jón Reykjalín á Þönglabakka, Helga átti Þorberg hreppstjóra Jónsson að Dúki í Sæmundarhlíð, Sigurbjörg átti Stefán Gíslason síðar í Hofstaðaseli (þau skildu). --Kona 2: Helga (f. 14. nóv. 1803) Guðmundsdóttir frá Krákugerði, Nikulássonar, ekkja Halldórs Kláusar silfursmiðs á Höskuldsstöðum Brynjólfssonar; þau síra Jón bl. Launsonur síra Jóns hét Stefán Ólafur og kallaði sig Reykjalín, var á ýmsum stöðum, síðast ráðsmaður á Ingveldarstöðum (Skýrslur; Vitæ ord. 1810; Kirkjubl., 2. árg.; HÞ.; SGrBf.)

Umboðsmaður í Vík í Mýrdal. --Foreldrar: Jón umboðsmaður Jónsson í Vík og kona hans Guðlaug Halldórsdóttir á Vífilsstöðum, Þorsteinssonar. Var maður mikils metinn og traustur. Var umboðsmaður þjóðjarða í Skaftafellsþingi 1894 og síðan. Gegndi ýmsum trúnaðarstörfum innan héraðs. Fekk verðlaun úr sjóði Kr. níunda. Búmaður ágætur. --Rak hin síðari ár verzlun mikla í Vík. --Kona (13. okt. 1880): Matthildur (d. 1905) Ólafsdóttir alþm. að Höfðabrekku, Pálssonar. --Börn þeirra, sem upp komust: Jón kaupmaður í Vík, Ólafur kaupm. sst., Guðlaug d. óg. (Útfm., Rv. 1926; VerzI.tíð., 9. árg.; BB. Sýsl.; Óðinn 11).

. Bóndi.--Foreldrar: Jón (d. 2. mars 1910, 81 árs) Halldórsson á Laugabóli í Ísafirði og kona hans Guðrún (d. 23. dec. 1917, 92 ára) Þórðardóttir á Laugabóli, Magnússonar. Nam búfræði á Stend í Noregi 1875–TT; hlýddi og á fyrirlestra í búnaðarháskólanum í Kh. 1880–81. Leiðbeindi nokkuð í jarðabótastörfum í Ísafjarðarsýslu 1882 að tilhlutun sýslunefndar. Kom upp, með aðstoð nokkurra sýslubúa, tóvinnuvélum skammt frá heimili sínu og rak þær í nokkur ár, Bóndi á Rauðamýri á Langadalsströnd frá 1882 til æviloka. Var oddviti og sýslunefndarmaður mikið á fjórða tug ára; sinnti og ýmsum fleiri trúnaðarstörfum og félagsmálum. Var ótrauður forgöngumaður ýmissa framfaramála í sveit og héraði og umbótamaður í búskap, en ekki að sama skapi hagsýnn búhöldur. Kona (8. okt. 1882): Ingibjörg (d. 31. okt. 1902, 47 ára) Jónsdóttir í Barmi á Skarðsströnd, Bjarnasonar (og Hólmfríðar Vigfúsdóttur, systur dr. Guðbrands í Oxford). Börn þeirra, sem upp komust: Jón Fjalldal hreppstjóri á Melgraseyri, Þórður oddviti á Laugalandi, Hólmfríður átti Baldur Eyjólfsson frá Múla í Gilsfirði. Dætur Halldórs áður en hann kvæntist (með Margréti Kristjánsdóttur): Kristín átti Leó kaupmann Eyjólfsson á Ísafirði, Guðrún átti Ásgeir útgerðarmann Pétursson á Akureyri (Óðinn XXIII; Kr.J.).

Kennari, skáld. --Foreldrar: Jón hreppstjóri Pálsson á Helgastöðum í Eyjafirði og kona hans Kristín Tómasdóttir að Skriðu í Eyjafirði, Jónssonar. Nam í æsku gullsmíðar og stundaði, unz hann var tekinn í Möðruvallaskóla (1880); próf þaðan 1882, með góðum vitnisburði. --Varð 1883 kennari í barnaskóla Akureyrar og jafnan síðan, meðan heilsu hélt, en á sumrum lengi vegaverkstjóri. Stofnaði blaðið „Norðurljós“ 1886 og var ritstjóri þess til 1889, ritstjóri blaðsins „Stefnis“ 1893–7. Naut trausts manna, var í bæjarstjórn á Akureyri um hríð og gegndi öðrum trúnaðarstörfum. Ritstörf: Skin og skuggi, Ak. 1880; Ágrip af náttúrufræði, Ak. 1884 (2. pr., Ak. 1896–8 og 1903); Strikið, Rv. 1892; Vetur og vor, Ak. 1903; Ljóðmæli, Ak. 1905 (2. pr., Ak. 1923); Happið, Ak. 1923; Þvaðrið, Ak. 1924; Tárin, Ak. 1925. --Kona (1885): Álfheiður Eyjólfsdóttir í Hamborg í Fljótsdal, Magnússonar. --Börn þeirra, sem upp komust: Theódóra átti Guðmund kaupm. Hafliðason í Siglufirði, Laufey átti Jóhannes kaupm. Þorsteinsson á Ákureyri, Steinþór verzlm. á Akureyri (Óðinn XIII; Br7.; o. fl.).

Skipherra í Stóru Vogum. --Foreldrar: Jón dbrm. Daníelsson í Stóru Vogum og kona hans Sigríður Magnúsdóttir. Nam stýrimannafræði í Kh., en skipasmíðar í Noregi. Hafði búskap mikinn og þilskipaútgerð í Stóru Vogum, kenndi jafnvel stýrimannafræði út frá sér. --Kona: Guðrún Eggertsdóttir prests í Reykholti, Guðmundssonar, --Börn þeirra: Eggert stúdent og kaupmaður í Rv., Eyjólfur í Garðhúsum við Stóru Voga, Benedikt í Suðurkoti í Vogum, Jón í Stóru Vogum, Guðrún átti Pál gullsmið Einarsson í Sogni í Kjós, Vigdís átti Guðmund alþm. Ólafsson á Fitjum, Margrét óg. og bl. Launsonur Magnúsar (með Guðrúnu Jónsdóttur í Höll, Guðmundssonar): Stefán múrari í Rv. (skrifaður Egilsson). Laundóttir Magnúsar: Jórunn átti Lárus Hallgrímsson prests í Görðum, Jónssonar. Fleiri munu hafa verið launbörn Magnúsar (BB. Sýsl.; Minningarrit stýrimannaskólans, Rv. 1941).

Bankaféhirðir. --Foreldrar: Jón hreppstjóri Halldórsson á Bjarnastöðum í Bárðardal og kona hans Hólmfríður Hansdóttir á Neslöndum, Þorsteinssonar. Tekinn í Reykjavíkurskóla 1875, stúdent 1881, með 1. einkunn (88 st.), próf úr prestaskóla 1883, með 2. einkunn betri (41 st.). --Varð féhirðir landsbankans 27. nóv. 1885. Leystur frá því starfi 1912. Var lengi bæjarfulltrúi í Rv., gegndi og trúnaðarstörfum meðal goodtemplara. R. af dbr. 9. ág. 1907. Ritstörf: Nokkurar athugasemdir við „Hagskýrslur frá Íslendingabyggðum í Canada“, Rv. 1893; Um lánsstofnun, Rv. 1898 (sérpr. úr Andvara); Kom þú í bindindi, Rv. 1906; Aðflutningsbann áfengis, Rv. 1908; Magnús dýralæknir og flugrit hans, Rv. 1909. --Sá með öðrum um: Söngbók templara, Rv. 1909. Auk þessa eru blaðagreinir. --Kona (16. júlí 1886): Kristjana Pétursdóttir organleikara, Guðjónssonar. --Börn þeirra: Pétur bóksali og borgarstjóri í Rv., Jón skrifstofustjóri landsbankans, Hólmfríður átti síra Jósep Jónsson að Setbergi, Gunnar stúdent og kaupmaður í Rv., Halldór bankaútibússtjóri á Ísafirði (Óðinn VII; Bjarmi, 9. árg.; Útfm., Rv. 1915; BjM. Guðfr.; o. fl.).

Skáld. --Foreldrar: Jón Jónsson á Yztu Grund í Skagafirði og kona hans Þuríður Gísladóttir (Bjarnasonar). Gerðist snemma bókhneigður og vel gefinn, en einrænn. Skrifari góður, söngmaður og lagsæll. Skildi dönsku og jafnvel lítið eitt í latínu; hafði hug á að kynna sér heimspekileg rit. Fór um hin síðari ár og stundaði lækningar og ljósmæðrastörf. Kveðskapur hans (og skáldsaga ein) er víða í handritum (í Lbs.). Pr. er: Rímur af Franz Dönner, Viðey 1836, af Flóres og Blanzeflúr og af Freyvaldi kaupmanni og Jens, Ak. 1858. --Kona: Solveig Ólafsdóttir, og bjuggu þau saman skamma stund í Brekkukoti; slitu samvistir og voru barnlaus. Launbörn hans, sem upp komust: Sumarliði, Hálfdan, Kristbjörg. Níels andaðist að Selhólum, koti í Gönguskörðum, og átti hann það sjálfur (Almanak þjóðvinafél. 1927).

. Útvegsbóndi. Foreldrar: Jón (d. 1914, 84 ára) Runólfsson á Vatnshömrum í Andakíl og kona hans Ragnheiður (d. 11. febr. 1899, 69 ára) Jóhannsdóttir prests á Hesti, Tómassonar. Nam ungur ensku og Norðurlandamál án skólagöngu.--Fór snemma að fást við barnakennslu; stundaði hana alls í hær 20 ár. Bjó nokkur ár á Melum í Melasveit. Átti heima á Grund á Akranesi frá 1892 til æviloka og stundaði búskap til lands og sjávar. Keypti í félagi við annan fyrsta vélbátinn til Akraness. Gegndi mörgum trúnaðarstörfum; var m.a. oddviti í 12 ár og sýslunefndarmaður í 26 ár. Átti frumkvæði að stofnun Sparisjóðs Borgarfjarðarsýslu 1918; var í landhelgismálanefnd 1895–97. Áhugamaður um bindindismál. Fekkst mikið við skáldskap og ritstörf; ritaði fjölda greina í blöð og tímarit austan hafs og vestan.--Kona (í sept. 1885): Ragnheiður (d. 16. maí 1933, 89 ára) Þorgrímsdóttir prests í Saurbæ á Hvalfjarðarströnd, Thorgrímsen; hún átti áður Halldór Einarsson á Grund á Akranesi.--Dóttir Þorsteins og hennar: Emilía átti Þórð útgerðarmann Ásmundsson á Akranesi (Br7.; Óðinn XXIV).