Gísli Guðmundsson f. 1836
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Gísli Guðmundsson f. 1836 í Íslenzkum æviskrám
--Prestur. --Foreldrar: Guðmundur ökonomus Vigfússon og kona hans Guðrún Þorbjarnardóttir hins ríka í Skildinganesi, Bjarnasonar. F. að Arnarhóli (hjá Rv.). Tekinn í Reykjavíkurskóla hinn eldra 1790, stúdent þaðan 11. júlí 1795, með prýðilegum vitnisburði. Var hann síðan 5 ár hjá foreldrum sínum í Hjarðarholti í Stafholtstungum, bjó þar eftir það 2 ár til móts við þau, en 1802–17 á Signýjarstöðum í Hálsasveit, fekk Staðarhraun 9. dec. 1816, vígðist 18. maí 1817, fekk Hítarnes 7. jan. 1822, fór þangað um vorið og var þar til dauðadags. Hann þókti góður kennimaður, búmaður góður og atorkusamur, hraustmenni hið mesta um afl og snarleik og afburða-glímumaður, svo að fáir stóðu honum snúning; var hann og almennt kallaður Glímu-Gísli. Bræður hans, einkum síra Eggert og síra Páll, voru og hin mestu hraustmenni, en tæplega jafnglímnir honum. --Kona: Ragnhildur (d. 24. jan. 1856, 83 ára) Gottskálksdóttir að Efra Ási í Hjaltadal, Jónssonar. --Börn þeirra, er upp komust: Guðríður miðkona síra Benedikts Björnssonar í Hvammi í Norðurárdal, Gottskálk í Landbrotum í Kolbeinsstaðahreppi, Björn hreppstjóri að Brúarhrauni, Guðrún átti Pétur Steindórsson í Einholtum, Eggert á Eyri í Flókadal, Sigurður að Ósi á Skógarströnd, Magnús stúdent og settur sýslumaður, síðast að Hrafnabjörgum ytri í Hörðudal (Vitæ ord. 1817; HÞ.; SGrBf.).