Einar Einarsson f. 1816
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Einar Einarsson f. 1816 í Íslenzkum æviskrám
--Prestur, --Foreldrar: Síra Einar Thorlacius í Saurbæ í Eyjafirði og kona hans Margrét Jónsdóttir prests „lærða“ síðast í Dunhaga, Jónssonar. F. í Presthvammi í Reykjadal. Lærði fyrst hjá föður sínum, tekinn í Bessastaðaskóla 1834, stúdent 1839 (85 stig). Stundaði síðan kennslu. Lagt var fyrir hann 3. júlí 1843 að verða prestur í Grímsey, en vegna heilsuleysis fekk hann lausn frá því boði. --Vígðist 29. júní 1845 aðstoðarprestur móðurföður síns og var millibilsprestur í Möðruvallaklaustursprestakalli eftir lát hans, til 1847, bjó að Þrastarhóli. Fluttist til föður síns 1851, gerðist aðstoðarprestur hans 1852, fekk Miklagarð 2. febr. 1853, Saurbæ 5. nóv. 1866 og hélt til æviloka. Eftir hann er pr.: Stundatal, Ak. 1855. --Kona 1: Ólöf (d. 8. apr. 1854) Hallgrímsdóttir prests Thorlaciusar að Hrafnagili; þau bræðrabörn. --Börn þeirra, sem upp komust: Elín Guðrún átti Kristján gestgjafa Hallgrímsson á Seyðisfirði, Einar sýslumaður á Seyðisfirði. --Kona 2 (1856): Kristín Rannveig (f. 6. nóv. 1837, d. 5. dec. 1921) Tómasdóttir hreppstjóra á Steinsstöðum í Öxnadal, Ásmundssonar. Af börnum þeirra komst upp: Ólafur læknirí Búlandsnesi (Vitæ ord. 1845; SGrBf.).
--Prestur. --Foreldrar: Einar Ólafsson í Skáleyjum og kona hans Ástríður Guðmundsdóttir á Hamarlandi, Einarssonar. Lærði fyrst hjá síra Friðrik Jónssyni á Stað á Reykjanesi, síðan 2 vetur hjá Sveinbirni síðar rektor Egilssyni, tekinn í efra bekk Bessastaðaskóla 1835, varð stúdent 1838 (96 st.), hafði á fæðingardegi konungs þá um veturinn fengið verðlaun fyrir iðjusemi. Varð þá skrifari og kennari hjá Eiríki sýslumanni Sverrissyni í Kollabæ, vígðist 26. júní 1842 aðstoðarprestur síra Ólafs Sívertsens í Flatey, bjó í Skáleyjum og gegndi Múlasókn á Skálmarnesi, fekk Kvennabrekku 22. ágúst 1848, fluttist þangað 1849, fekk Breiðabólstað á Skógarströnd 18. ágúst 1868 og hélt til æviloka. Prófastur í Dalasýslu 1864–9. --Var 1. þjóðfm. Dal. 1851, þm. Dal. 1853–"7T, 1869–81. Búhöldur mikill, gáfumaður, skáldmæltur (sjá Lbs.), ljúfmenni. --Ritstörf: Um nautpeningsrækt, Rv. 1859; Hugvekjusálmar, Kh. 1860; Um bráðapestina, Rv. 1876; Undirstöðuatriði búfjárræktar, Rv. 1877; Um sauðfénað, Rv. 1879. Var í forstöðunefnd Gests Vestfirðings, og eru þar greinir eftir hann. Auk þess grafskriftir og erfiljóð í blöðum, 7 sálmar í sálmab. 1871, húskveðja í útfm. síra Jóns Mattíassonar, Rv. 1860. Hann tíndi saman ýmislegt um leika, þjóðsiðu o. fl. (er í AM. 970, 4to.) (sjá þjóðsögur JÁ., Ísl. gátur, skemmtanir o. s. frv.). --Kona (3. nóv. 1843): Katrín (f. 3. júní 1823, d. 9. júní 1903) Ólafsdóttir prests í Flatey, Sívertsens. --Börn þeirra, sem upp komust: Ásthildur Jóhanna átti Pétur kaupmann J. Thorsteinsson, Ólafur héraðslæknir að Stórólfshvoli, Theodóra Friðrika átti Skúla bæjarfógeta Thoroddsen (Bessastsk.; Vitæ ord. 1842; SGrBf.; sjá og blöð samtímis).
Læknir. --Foreldrar: Einar smiður Magnússon í Auðsholti í Ölfusi og kona hans Guðrún Gísladóttir prests í Kaldaðarnesi, Álfssonar. Eftir lát föður síns (um 1757) hefir hann verið á vegum föðurbróður síns, Þórðar Magnússonar að Reykjum í Ölfusi. Tekinn í Skálholtsskóla 1762, stúdent 10. maí 1769, talinn í tölu hinna tornæmari nemenda, lærði síðan læknisfræði hjá Bjarna landlækni Pálssyni (hafði og verið hjá honum sumarið 1768), hlaut próf frá honum 3. júlí 1776, var síðustu árin Bjarna til aðstoðar og settur eftir lát hans landlæknir 1 ár (1779–80). skipaður læknir á Vesturlandi 17. apr. 1782, komst ekki vestur fyrr en sumarið 1783, vegna veikinda konu sinnar, var fyrsta veturinn (1783–4) á Gróustöðum, bjó að Miðhúsum á Reykjanesi 2 ár (1784–6), síðan að Börmum, en frá 1788 til æviloka bjó hann að Ármúla á Langadalsströnd, varð að segja af sér embætti 1811, því að hann var þá orðinn nálega blindur. Eftir hann eru í handriti (ÍB. 357, 4to.) leiðbeiningar um læknisvitjan (nefnt þar „sú stórmynduga kírúrgsþula“) og um blóðtökur (í Lbs. 1485a, 4to.). --Kona 1 (15. nóv. 1775): Kristín (d. 24. júní 1783, 38 ára) Hjálmarsdóttir lögréttumanns í Gufunesi, Erlendssonar. Þau bjuggu á nokkurum hluta Varmár í Mosfellssveit 1 ár (1782–3). --Börn þeirra: Þórunn átti fyrr Hafliða Hafliðason að Ármúla, síðar Guðmund Sturluson, Hjálmar, Bjarni fáráðlingur (f. 17. júní 1780, d. 3. júní 1814). --Kona 2 (30. ág. 1789): Sigríður Gunnlaugsdóttir (Torfasonar prests á Stað á Snæfjallaströnd, Bjarnasonar), ekkja Hafliða Jónssonar að Ármúla. --Börn þeirra: Jón að Klukkufelli, Ólafur á Mosvöllum. Laundætur Jóns læknis voru: (Með Hallottu Guðmundsdóttur vinnukonu í Nesi) Guðrún (f. 9. febr. 1775) átti Jón Jónsson að Miðhúsum í Vatnsfjarðarsveit, (með Margréti Gunnlaugsdóttur á Skáldsstöðum, Bjarnasonar) Margrét (f. 4. dec. 1787) átti Jón Gíslason að Miðhúsum (Tímar. bmf. XI; HÞ.; Lækn.).
--Prestur. --Foreldrar: Einar lögréttumaður Hafliðason í Þrándarholti og kona hans Sigríður Jónsdóttir að Stóra Núpi, Magnússonar. --Tekinn í Skálholtsskóla 1768, stúdent 18. maí 1774, með góðum vitnisburði, var síðan í þjónustu Davíðs sýslumanns Schevings í Haga, fekk Stað í Aðalvík 9. dec. 1775, vígðist 5. maí 1776 og tók við staðnum ". júní s. á., fekk Stað í Grunnavík 27. júlí 1779, fluttist þangað næsta ár, fekk Eyri í Skutulsfirði 1795 (í skiptum við síra Hjalta Þorbergsson), settur prófastur í Norður-Ísafjarðarsýslu 26. dec. 1807, sagði af sér prestskap 1809, fluttist skömmu síðar (um 1811) til síra Árna, sonar síns, andaðist í kynnisför vestra úr taksótt og var jarðsettur á - Eyri í Skutulsfirði 9. sept. 1816. --Talinn fríður maður sýnum, valmenni, heldur góður kennimaður, drykkjugjarn í meira lagi, veitti oft erfiðlega búskapur. --Kona (26. sept. 1776). Guðrún (f. um 1754, d. 22. júní 1806) Árnadóttir prests í Gufudal, Ólafssonar. --Börn þeirra: Síra Árni byskup í Görðum, Hafliði (d. 19. júní 1803, tvítugur, að Kvennabrekku, þá í skóla), Sigríður átti Guðmund verzlunarmann Ketilsson á Skutulsfjarðareyri, Þóra átti Einar Hákonarson í Hnífsdal og víðar, Helgi stúdent og verzIunarmaður, síðast bóndi í Njarðvík, Einar trésmiður í Reykjavík, Þórður (HÞ; SGrBf.).