Jón Gíslason f. 1839
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Gíslason f. 1839 í Íslenzkum æviskrám
--Prestur. --Foreldrar: Gísli hreppstjóri Sigurðsson í Bæ á Selströnd og kona hans Solveig Jónsdóttir að Kaldbak, Sveinbjarnarsonar. F. að Kaldbak. Nam skólalærdóm 7 vetur hjá síra Friðrik Jónssyni aðstoðarpresti á Stað á Reykjanesi, stúdent úr heimaskóla 14. maí 1827 frá síra Páli Hjálmarssyni, með vitnisburði í betra meðallagi. Var næstu tvö ár hjá foreldrum sínum og hélt áfram bókiðnum, fór 1829 til Flateyjar, vígðist 12. sept. 1830 aðstoðarprestur síra Ólafs Sívertsens í Flatey, gegndi Múlasókn á Skálmarnesi, en átti heima í Flatey til æviloka; gegndi Gufudal árlangt 1834–5. Hann var maður álitlegur ásýndum, fjörmaður mikill og þótti snotur í öllum prestsverkum, en var brjóstveikur og andaðist í blóma aldurs síns eftir tæplega 9 ára prestskap. Nokkru áður en hann féll frá, var honum heitin ungfrú Þóra Katrín Eyjólfsdóttir prests Kolbeinssonar, systir frú Jóhönnu Friðriku, konu Ólafs prófasts Sivertsens í Flatey, en síra Jón dó áður en það ráð tækist. Þóra giftist síðar Jóni silfursmið Þórðarsyni frá Kjarna, og voru þeirra synir þeir síra Eyjólfur í Árnesi og síra Jónas prófastur í Holti (Lbs. 48, fol.; Vitæ ord. 1830; HÞ.: SGrBf.).