Læknir. --Foreldrar: Pétur smiður Jónsson að Hofsá í Svarfaðardal og kona hans Margrét Illugadóttir lögréttumanns, Jónssonar. Lærði í Hólaskóla, stúdent 14. maí 1759, varð djákn að Munkaþverá 1760, fór haustið 1762 að Nesi til Bjarna landlæknis Pálssonar, að nema lækningar, fór utan 1765, skráður í stúdentatölu í háskólanum í Kh. 21. dec. s.á., með 1. eink., varð baccalaureus í heimspeki 31. júlí 1768, stundaði læknisfræði, en tók eigi próf, var um tíma læknir á herskipi, sem gekk til Miðjarðarhafslandanna og víðar, kom til landsins 1772, var skipaður fjórðungslæknir 1775 og var það til æviloka, bjó í Viðvík, andaðist á ferðalagi. --Vel gefinn maður, heppinn læknir, en talinn drykkfelldur. Ritstörf: „Den saa kaldede isl. Skigrbug“, Sorg 1769; „Stutt ágrip um iktsýki“, Hól. 1782; „Lækningabók fyrir almúga“, Kh. 1834 (er og víða í handritum). Eftir hann eru greinar í Lærdómslistafélagsritum. --Kona 1: Valgerður Þorvaldsdóttir prests í Hvammi í Laxárdal, Jónssonar; þau bl. --Kona 2 (1776); Margrét Árnadóttir prests í Fagranesi, Jónssonar. --Börn þeirra: Árni, Valgerður, Margrét, María. Launsonur Jóns læknis var Jón hreppstjóri á Bjarnastöðum (Tímar. bmf. XI; BB. Sýsl.; ÓSn.; HÞ.; Lækn.).