Umboðsmaður, stúdent. --Foreldrar: Björn sýslumaður Pétursson að Burstarfelli og kona hans Guðrún Marteinsdóttir. F. að Burstarfelli. Eftir viðbúnaðarnám hjá síra Guðmundi Högnasyni að Hofi í Álptafirði og Jóni stúdent, síðar presti, Ólafssyni prests á Refsstöðum, Sigfússonar, mun hann hafa verið í Skálholtsskóla veturinn 1722–3, en tekinn í Hólaskóla 1723, stúdent 8. apr. 1727, var síðan hjá foreldrum sínum, bjó að Auðbrekku 1732–5, Þorleiksstöðum í Blönduhlíð 1735–44, í Kaupangi í Eyjafirði 1744–8, að Stóra Eyrarlandi 1748–65, síðan hjá börnum sínum, í Miklagarði og Glæsibæ, og í Glæsibæ andaðist hann. Hann varð umboðsmaður stólsjarða í Sléttahlíð og Höfðaströnd 1736 og hefir líklega haldið því umboði um daga Steins byskups. Hann var með hæstu mönnum og gervilegur ásýndum, sem hann átti kyn til, vel þokkaður og skapstilltari en sumir frændur hans, kyrrlátur maður, svo að mjög lítið bar á honum. --Kona (29. sept. 1731): Helga Magnúsdóttir á Eyrarlandi, Björnssonar (sýslumanns að Espihóli, Pálssonar); þókti hún atvkæðameiri en maður hennar. --Börn þeirra, sem upp komust: Síra Magnús í Miklagarði, Vigfús sýslumaður í Þingeyjarþingi, Björn lyfsali í Nesi við Seltjörn, Elísabet f. k. síra Jóns Jónssonar í Garði, Brynjólfur garðyrkjumaður (d. erlendis), Ragnheiður varð geðbiluð, sem sum þau systkin, Sigríður, d. óg. og bl. (HÞ.).